Në bazë të nenit 10 dhe nenin 11, paragrafi 1, nën-paragrafi 1.13. të Ligjit nr. 05/L-057 për Themelimin e Fondit Kosovar për Garanci Kreditore, i ndryshuar dhe plotësuar me Ligjin Nr.08/L-138, Fondi Kosovar për Garanci Kreditore publikon këtë: 

Shpallje

për një (1) Zyrtar Ligjor (ZL)

22/11/2024

 Numri referencës: 06/2024

Informacione të përgjithshme 

Fondi Kosovar për Garanci Kreditore (në tekstin e mëtejmë referuar si “FKGK”) është entitet i pavarur juridik, i krijuar me ligj përkatës për të lehtësuar qasjen në financa për ndërmarrjet mikro, të vogla dhe të mesme (NMVM) në Kosovë me synimin e krijimit të vendeve të punës, rritjen e prodhimit vendor dhe shërbimeve të cilat krijojnë vlerë të shtuar, përmirësim të bilancit tregtar dhe rritje të mundësive për financimin e NMVM-ve.

Përshkrimi i përgjegjësive të punës

Përgjegjësitë e zyrtarit ligjor përfshijnë si vijon:

• Ofron mbështetje në hartimin dhe rishikimin e politikave, procedurave, udhëzimeve, udhëzuesve dhe akteve të tjera të brendshme të FKGK-së;
• Asiston në hartimin, rishikimin dhe përgatitjen e marrëveshjeve të garancisë, kontratave dhe dokumenteve të tjera ligjore ;
• Bën standardizimin dhe administrimin e dokumenteve ligjore;
• Ofron mbështetje për këshilla ligjore për aspekte të ndryshme operative të FKGK-së, duke përfshirë pajtueshmërinë me Ligjin, Statutin dhe aktet e brendshme të FKGK-së dhe legjislacionin e aplikueshëm;
• Ndihmon menaxherin ligjor në ofrimin e opinioneve ligjore për projektet dhe iniciativat e FKGK-së;
• Ofron mbështetje në kryerjen e procesit të kujdesit të duhur dhe pajtueshmërisë lidhur me marrëveshjet financiare, institucionet partnere dhe aktivitetet përkatëse të FKGK-së;
• Ofron mbështetje në procesin e monitorimit të nivelin e rrezikut të kredive dhe krediamrrësve të kualifikuar, për sa i përket pajtueshmërisë kundër pastrimit të parave dhe luftimit të financimit të terrorizmit;
• Ofron mbështetje për të siguruar pajtueshmërinë e FKGK-së me rregullativen ligjore për mbrojtjen e të dhënave personale;
• Mban dhe monitoron zbatimin e obligimeve kontraktuale të përcaktuara në marrëveshjet ndërmjet FKGK-së dhe palëve të treta;
• Përgatit vendimet dhe dokumentet të tjera administrative siç kërkohet nga nevojat operacionale të FKGK-së;
• Siguron mbështetje administrative dhe teknike në kuadër të kornizë ligjore;
• Kryen detyra të tjera të deleguara.

Kualifikimet:

Zyrtari ligjor duhet ti përmbushë kërkesat si vijon:

• Diplomë universitare në drejtësi (diploma master në drejtësi është përparësi);
• Së paku tre vite përvojë ligjore. Përvoja e punës ne sektorin financiar ose komercial është e dëshiruar;
• Të kuptuarit e sistemit ligjor, veçanërisht në të drejtën financiare dhe tregtare;
• Komunikim të mirë dhe shkathtësi ndërpersonale;
• Aftësi të forta në kërkimin, negocimin dhe hartimin ligjor;
• Aftësi për të analizuar çështje komplekse ligjore dhe për të ofruar zgjidhje;
• Komunikim të rrjedhshëm me gojë dhe me shkrim të gjuhës shqipe dhe angleze.

Raportimi

Zyrtari Ligjor i raporton drejtpërdrejtë Menaxherit Ligjor të  FKGK-së.

Afati dhe kohëzgjatja

Zyrtari ligjor do t’i ofrohet një kontratë një (1) vjeçare. Kontrata do të vazhdohet në bazë të rezultateve të kënaqshme në vlerësimin e performancës.

Aplikimi

 Dokumentet e nevojshme për aplikim: 

• Aplikim nga faqja e internetit https://fondikgk.org/mundesi-punesimi/;
• CV;
• Diplomat, 
• Certifikatat dhe trajnimet përkatëse; 
• Dëshmi e përvojës së punës;
• Kontaktet e referencës nga ish-punëdhënësit;

Të gjitha aplikacionet do të pranohen vetëm përmes emailit [email protected] dhe në subjektin e emailit duhet të shkruhet: Formular Aplikimi: Emri dhe mbiemri _ Pozita” Konkursi është i hapur deri më datën 06.12.2024 në ora 16.30. 

Shënim 

• Për këtë pozitë do të organizohet testimi me shkrim dhe intervista për kandidatët që listohen në listën e ngushtë;
• Vetëm aplikimet me dokumentacion të kompletuar do të merren parasysh;
• Kandidatët që nuk përzgjidhen në fazën e parë kanë të drejtë ankese brenda shtatë (7) ditëve të punës nga marrja e njoftimit për rezultatet e fazës përkatëse të përzgjedhjes.