KONKURS PUNE SANTEFARM SH.P.K.

Santefarm sh.p.k., kompania udhëheqëse në distribuimin e produkteve farmaceutike dhe të kujdesit shëndetësor në Kosovë, vazhdon zhvillimin e saj strategjik përmes zgjerimit të operacioneve dhe krijimit të departamenteve të reja të specializuara. Me mbi 18 vite përvojë, bashkëpunime afatgjata me prodhues ndërkombëtarë dhe një prezencë të fuqishme në të gjitha segmentet e industrisë farmaceutike, Santefarm mbetet e përkushtuar ndaj cilësisë, inovacionit dhe vlerës afatgjate në sistemin shëndetësor.

Si pjesë e kësaj faze zhvillimi, ftojmë profesionistë të kualifikuar dhe të motivuar të aplikojnë për pozitat e hapura në departamentet kyçe të kompanisë.

1. Menaxher për Klientë Kryesorë (Key Account Manager)
   Përgjegjës për ndërtimin dhe ruajtjen e marrëdhënieve afatgjata me klientët strategjikë, duke përfshirë barnatoret, spitalet dhe institucionet publike. Roli fokusohet në performancën komerciale, planifikimin e rritjes dhe zbatimin e strategjive të shitjes në përputhje me objektivat e kompanisë.

Kualifikimet:

• Diplomë universitare në Farmaci, Biznes, Ekonomi ose fushë të ngjashme
• Minimum 3 vite përvojë pune në shitje farmaceutike ose B2B
• Aftësi të avancuara në negocim dhe menaxhim të marrëdhënieve me klientë
• Aftësi të mira komunikimi dhe përqendrim në arritje të rezultateve

2. Këshilltar Mjekësor / Menaxher për Çështjeve Shkencore
   Përgjegjës për lidhje kyçe ndërmjet kompanisë dhe profesionistëve shëndetësorë. Roli përfshin mbështetjen edukative për produktet, organizimin e aktiviteteve shkencore dhe komunikimin e saktë të informacionit mjekësor.
   

Kualifikimet:

• Diplomë universitare në Mjekësi ose Farmaci (titulli akademik është përparësi)
• Njohuri të thella në fusha terapeutike dhe kërkim klinik
• Përvoja në komunikim shkencor dhe edukim profesional është përparësi
• Aftësi të larta analitike dhe prezantuese

3. Analist i të Dhënave – Inteligjencë Biznesore
   Mbështetje për vendimmarrje strategjike përmes analizës së të dhënave të shitjes, stokut, tendencave të tregut dhe performancës së produkteve.

Kualifikimet:

• Diplomë universitare në Ekonomi, IT apo fusha të ngjashme
• Njohuri të avancuara në Excel, Power BI ose mjete të tjera analitike
• Aftësi të shkëlqyera analitike dhe logjike
• Përvojë në ndërtimin e raporteve dhe panelëve të performancës

4. Menaxher i Marketingut ( Specialist i Marketingut dhe Menaxhimit të Brendeve )
   Planifikimi dhe zbatimi i strategjive të marketingut për brende farmaceutike dhe dermokozmetikë me qëllim forcimin e pozicionimit në treg.

Kualifikimet:

• Diplomë në Marketing, Farmaci, Administrim Biznesi ose fushë të ngjashme
• Përvojë në marketing farmaceutik ose dermokozmetikë
• Aftësi strategjike dhe kreative
• Përvojë në organizimin e fushatave promocionale dhe menaxhimin e brendeve

5. Përfaqësues Mjekësor
   Promovimi i produkteve në terren përmes takimeve me profesionistë shëndetësorë, prezantimeve edukative dhe prezantimeve efektive të vlerave shkencore në përputhje me standardet etike dhe rregullative.

Kualifikimet:

• Diplomë universitare në Farmaci, Mjekësi ose fusha të ngjashme
• Përvoja e punës në terren përbën përparësi
• Aftësi të forta komunikuese dhe prezantuese
• Vetëmotivim dhe aftësi për të menaxhuar përgjegjësitë në mënyrë të pavarur

6. Asistent i Zinxhirit të Furnizimit

Menaxhimi i operacioneve ditore të furnizimit, magazinimit dhe logjistikës në përputhje me standardet GDP dhe ISO.

Kualifikimet:

• Përvojë pune në logjistikë apo koordinim të operacioneve magazinore
• Njohuri mbi menaxhimin e stokut dhe kërkesat rregullative në sektorin farmaceutik
• Aftësi të forta organizative dhe teknike
• Njohje me sistemet e menaxhimit të cilësisë

Çfarë ofron Santefarm:

• Ambient pune profesional, gjithëpërfshirës dhe i orientuar drejt rezultateve
• Bashkëpunim me kompani të njohura ndërkombëtare si Bayer, Pfizer, Sandoz, Gilead, Vichy, La-Roche Posay, CeraVe etj.
• Trajnime të rregullta profesionale dhe mundësi reale për zhvillim të karrierës
• Stabilitet afatgjatë dhe mundësi për të kontribuar në zhvillimin e sektorit shëndetësor në Kosovë

Kushtet e Përgjithshme për Aplikim:

• Diplomë universitare përkatëse sipas pozitës së shpallur
• Përvoja relevante është avantazh
• Njohuri të gjuhës angleze dhe aftësi në përdorimin e mjeteve digjitale dhe softuerëve bazë
• Integritet profesional, përgjegjësi e lartë dhe aftësi për të punuar në mënyrë të pavarur dhe në ekip
  ·  Të posedojë patentë shofer kategoria B.

Procesi i Aplikimit:
Kandidatët e interesuar ftohen të dërgojnë CV-në dhe letrën e motivimit përmes butonit “Apliko Këtu” ose në adresën elektronike:[email protected]
Ju lutemi që në subjektin e email-it të specifikoni pozitën për të cilën aplikoni.

Aplikimet do të pranohen deri në përmbylljen e vendeve të lira. Vetëm kandidatët e përzgjedhur do të kontaktohen për intervistë.

Santefarm garanton konfidencialitetin e plotë gjatë gjithë procesit të përzgjedhjes dhe ofron mundësi të barabarta punësimi për të gjithë aplikantët.

_{⏱️ Dëshiron të aplikosh më shpejtë?}