Stomatolog/e
Data e publikimit
10-03-2022
Data e perfundimit
28-10-2023
Lloji i orarit
Full Time
Kategoritë
Shëndetësi
RN00008351
Lloji i rekrutimit: Pranim
Data e njoftimit: 07/02/2022
Afati për aplikim: 10/03/2022 – 24/03/2022
Në mbështetje të nenit 67, 68 dhe 69 të Ligjit Nr.06/L-114 për Zyrtarët Publikë, në bazë të Udhëzimit Administrativ nr.07/2017 për Rregullimin e Procedurave të Konkursit në Sektorin Publik dhe në bazë të vendimit të Këshillit Drejtues të QKMF-së “Dr. Safet Idrizi” në Vushtrri, nr 99 të datës 31.01.2022, Komuna e Vushtrrisë, shpall:
K O N K U R S
- Institucioni: Komuna e Vushtrrisë;
- Drejtoria: Shëndetësi dhe Përkujdesje Sociale
- Qendra Kryesore e Mjekësisë Familjare “Dr. Safet Idrizi” – Vushtrri
Titulli i vendit të punës:
- Doktor i Stomatologjisë në QKMF “Dr. Safet Idrizi”– Vushtrri.
Numri i pozitave: Një (1);
Lloji i Pozitës: Nëpunës i Shërbimit Publik;
Titulli i mbikëqyrësit: Drejtori i QKMF;
Grada/Koeficienti: 7.20;
Kohëzgjatja e kontratës: Në kohë të pacaktuar;
Periudha e punës provuese: Gjashtë (6) muaj.
Orët e punës: 40.
Përshkrimi i detyrave dhe përgjegjësive:
- Ofron shërbime stomatologjike;
- Avancon dhe promovon shëndetin oral;
- Kujdeset për mjetet e punës ;
- I përmbahet etikës mjekësore;
- Kryen plotësimin adekuat të dokumentacionit;
- Bashkëpunon me ekipet e mjekësisë familjare dhe strukturat tjera relevante në përmirësimin e kujdesit oral;
- I ndihmon shefit të sektorit të shëndetit oral;
- Për punën e vetë i përgjigjet shefit të sektorit oral dhe Drejtorit të QKMF.
Kualifikimi profesional, aftësitë:
- Të ketë të kryer Fakultetin e Mjekësisë-Drejtimi i Stomatologjisë;
- Të ketë licencën e punës për Doktor Stomatolog.
Dokumentet e nevojshme:
- Ekstrakti i lindjes (kopje);
- Diploma e Fakultetit të Mjekësisë – Drejtimi i Stomatologjisë (kopje);
- Licenca e punës (kopje);
- Dëshminë se nuk është i dënuar dhe nën hetime (Origjinali);
- Letërnjoftimi (kopje).
Konkursi mbetet i hapur 15 ditë, nga data 10.03.2022 – 24.03.2022.
Paraqitja e kërkesave
Tё gjithë kandidatët e interesuar, aplikacionet mund ti marrin në formë fizike në Qendrën për Shërbim me Qytetarë, apo ti shkarkojnë nga web faqja zyrtare e Komunës së Vushtrrisë https://kk.rks-gov.net/vushtrri/ dhe portali shtetëror https://konkursi.rks-gov.net/ dhe tё plotësuara ti dorëzojnë në Qendrën për Shërbim me Qytetarë nё Komunën e Vushtrrisë.
Vetëm kandidatët të cilët i plotësojnë kriteret dhe hyjnë në listën e ngushtë do të ftohen në intervistë. Të gjithë kandidatët të cilët kanë mbaruar studimet jashtë Republikës së Kosovës që konkurrojnë për këto pozita, duhet që diplomat e tyre (gradat universitare të fituara) të jenë të njohura (nostrifikuara) nga Ministria e Arsimit Shkencës dhe Teknologjisë, në pajtim me Udhëzimin Administrativ, nr.12/2018 të datës 10.09.2018, në të kundërtën komisioni gjatë selektimit të aplikacioneve, do të refuzoj çdo aplikacion të kandidatëve të cilët nuk e kanë plotësuar këtë kusht të konkursit.
Mirëpriten aplikacionet prej meshkujve dhe femrave të të gjitha komuniteteve të Republikës së Kosovës. Aplikacionet e dorëzuara pas afatit të paraparë nuk pranohen dhe aplikacionet e mangëta refuzohen. Për çdo paqartësi aplikuesit i drejtohen Njësisë së Burimeve Njerëzore, zyra nr 33 ose në tel 038 200 42 444.
Rezultatet shpallen në web faqen e komunës së Vushtrrisë https://kk.rks-gov.net/vushtrri/ dhe në linkun: https://konkursi.rks-gov.net/.