NJOFTIM PUNE

Profili i Grupit BALFIN: Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë e Veriut, Mal të Zi, Zvicër, Kroaci dhe Holandë, me afërsisht 5,200 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me shumicë dhe pakicë, sistemin bankar, menaxhimin e aseteve, mediat dhe logjistikën. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.

JUMBO – Kid Zone Kosova Sh.P.K. është pjesë e Grupit BALFIN. Kid Zone Kosova sh.p.k është operatori ekskluziv i dyqaneve Jumbo në Shqipëri, Kosovë, Bosnjë Herzegovinë dhe Mal të Zi.

Aktiviteti kryesor i kompanisë është shpërndarja e lodrave për fëmijë, produkte për foshnje, kancelari, produkte sezonale dhe shtëpi.

Pozicioni i punës: Specialist i Raportimit dhe Kontrollit
Departamenti: Financë
Vendndodhja: Central Park

FUNKSIONET THELBESORE TE POZICIONIT:

• Përgatitja e raporteve të brendshme financiare mujore, tremujore dhe vjetore, si dhe sigurimi i informacioneve shtesë sipas kërkesës së drejtuesve, departamenteve përkatëse, aksionarëve dhe institucioneve kredituese, sipas formatit dhe frekuencës së kërkuar.
• Vlerësimi dhe raportimi i performancës financiare të kompanisë dhe njësive të biznesit në raport me rezultatin aktual me buxhetin e miratuar dhe objektivat financiare.
• Analiza e kostove operative dhe identifikimi i mundësive për optimizim dhe kursime.
• Kryerja e kontrolleve financiare, analiza e proceseve të biznesit dhe rekomandimi i zgjidhjeve dhe planeve për përmirësim dhe rritje të efikasitetit.
• Monitorimi i shpenzimeve kapitale dhe mbajtja e regjistrit dhe llogaritja e amortizimit të aseteve materiale dhe jo materiale.
• Asistimi në përgatitjen dhe përditësimin e projeksioneve financiare, hartimin e buxhetit vjetor dhe planit të biznesit.
• Asistimi në përgatitjen e pasqyrave financiare në përputhje me Standardet Ndërkombëtare të Raportimit Financiar (IFRS).
• Kontribut në rishikimin dhe përditësimin e procedurave të brendshme të Departamentit të Financës.
• Asistimi gjatë proceseve të auditimeve të brendshme dhe të jashtme, dhe përgatitja e informacionit të nevojshëm për audituesit.
• Mirëmbajtja e mjetit IFRS 16 dhe përgatitja e raporteve përkatëse sipas kërkesave të standardit.
• Analizimi dhe vlerësimi i planeve potenciale për zgjerimin e biznesit.
• Kryerja e kontrolleve të rregullta mbi llogaritë kontabël dhe të dhëna të tjera lidhur me LLP, LLA dhe ageing për inventarët.
• Rakordimi i transaksioneve me palët e lidhura në përputhje me kërkesat e kompanisë.
• Përmbushja detyrave shtesë sipas kërkesës së drejtuesit ose departamentit.

KËRKESAT:

• Diplomë universitare në Financë, Kontabilitet ose Administrim Biznesi.
• Një diplomë master (p.sh., MBA) përbën avantazh.

PËRVOJË PUNE:

Eksperiencë relevante në Financë, Raportim dhe Kontroll, Kontabilitet të Kostos, Auditim dhe/ose role të ngjajshme (preferohet 3+ vite).

KUALIFIKIME SHTESË:

• Preferohen kandidatët që posedojnë certifikatë profesionale si Teknik Kontabiliteti apo Kontabilist i Çertifikuar, (SHKÇAK, etj).
• Njohuri të mira të gjuhës angleze (të shkruar dhe të folur).
• Aftësi të mira analitike, nivel të lartë përgjegjësie.

AFTËSI TË TJERA:

• Aftësi shumë të mira të menaxhimit të kohës.
• Aftësi analitike të shkëlqyera dhe orientim drejt detajeve.
• Mendim kritik.
• Aftësi për zgjidhjen e problemeve.
• Fleksibilitet dhe përshtatshmëri ndaj ndryshimeve dhe sfidave.
• Aftësi për të punuar nën presion.

Mënyra e aplikimit*: Ju lutem dërgoni CV-në tuaj me subjekt – Aplikim për Specialist i Raportimit dhe Kontrollit në email adresën: [email protected] 

Afati për aplikim: 10.06.2025

*Të gjitha aplikimet do të trajtohen me konfidencialitet të plotë sipas ligjit Nr. 03/L-172 “Për Mbrojtjen e të Dhënave Personale” vendosur nga Kuvendi i Republikës së Kosovës, në mbështetje të nenit 65 (1) të Kushtetutës së Republikës së Kosovës

_{⏱️ Dëshiron të aplikosh më shpejtë?}