Kompania FAME Sh.P.K. është në kërkim të njerëzve të ri, entuziastë dhe të motivuar për të punuar me pozitat: Marketing Specialist (1 pozitë), Patronist/e (1 pozitë), Metal punues (1 pozitë)

1. I.MARKETING SPECIALIST – 1 pozitë
   

Detyrat dhe përgjegjësitë:

• Në bashkëpunim me Menaxherin e kompanisë, Specialisti i Marketingut angazhohet që të tërheq audiencën e përcaktuar gjatë: hartimit, përpilimit, dhe zbatimit të strategjive të marketingut në fushën e modës;
• Bën menaxhimin dhe zhvillimin e strategjive për rrjetet sociale në  promovimin e kompanisë/brendit/platformës online;
• Bën përgatitjen dhe raportimin e buxheteve për implementimin e fushatave të reklamimit në fushën e modës;
• Realizon imazhin e marketingut;
• Përgatit materialet e marketingut si: broshura, fleta informuese, dosje promocionale dhe të tjera, si dhe administron shpërndarjen e tyre në përputhje me programet e marketingut;
• Bën përcjelljen e konkurencës në fushën e modës.

Kualifikimet e kërkuara

• Kandidatët duhet të ketë diplomë universitare në fushën relevante;
• Minimum dy (2) vite përvojë pune në fushën e marketingut ose te modës;
• Aftësi të mira organizative dhe planifikuese;
• Njohuri të shkëlqyera të marketingut;
• Kandidatët duhet të jenë të gatshëm të punojnë jashtë orarit nëse është e nevojshme;
• Të posedojnë aftësi të shkëlqyera komunikuese, e preferueshme njohja e gjuhës angleze;
• Të kenë njohuri të shkëlqyera kompjuterike;
• Aftësi dhe njohuri menaxhuese të punës në grup;
• Aftësi për të mbajtur nivel të lartë të konfidencialitetit.

1. II.Patronist/e – 1 pozitë
   

Detyrat dhe përgjegjësitë:

• Harton skica te modeleve të specifikuara duke përshtatur ose kopjuar modelet ekzistuese, ose duke hartuar modele të reja;
• Përcakton skicat e letrës në modelet e kartonit dhe prerjen e modeleve në pjesë për të bërë shabllona;
• Krijon shabllone për secilën madhësi duke përdorur skica, instrumente hartimi, kompjuter ose pajisje të tjera përcaktuese;
• Përcakton linjat e shabllonit mbi copa të modelit në mënyren sa më të mirë për të minimizuar humbjet e materialit dhe për të shënuar pëlhuren në përputhje me shabllonin e përcaktuar;
• Vizaton linjat udhëzuese ose shënimet mbi materialet ose pëlhurat duke përdorur shabllone ose referenca të tjera;
• Vizaton detajet mbi pjesët e përshkruara për të treguar se ku do të bashkohen pjesët, si dhe pozicionet e zbukurimeve si: xhepat, vrimat e pullave dhe karakteristikave të tjera, duke përdorur kompjuter ose mjete të tjera të punës.

Kualifikimet e kërkuara:

• Të ketë shkollim të përafërt ose përvojë të punës për pozitën e kërkuar;
• Të respektojë  afatin kohor për finalizimin e punëve;
• Të punojë në ekip;
• Të raportojë për çdo punë të kryer tek mbikqyresi;
• Të jetë organizativ dhe të menaxhoj me sukses punën me presion.
• I obliguar t’i përmbahet rregullave të kompanisë.
  

III. Metal punues – 1 pozitë

Detyrat dhe përgjegjësitë:

• Bën saldimin e metalit;
• Bën ngjyrosjen;
• Bën përgatitjen e metalit (brusitje, pastrim);
• Ndjek procedurat dhe rregullat gjatë punës;
• Përdor pajisjet e punës sipas manualit dhe procedurave të punës;
• Mirëmban pajisjet sipas procedurave dhe nevojave të punës;
• Mirëmban ambientin e punës;

Kualifikimet e kërkuara:

• Të ketë shkollim të përafërt ose përvojë të punës për pozitën e kërkuar;
• Të respektojë  afatin kohor për finalizimin e punëve;
• Të punojë në ekip;
• Të raportojë për çdo punë të kryer tek mbikqyresi;
• Të jetë organizativ dhe të menaxhoj me sukses punën me presion.
• I obliguar t’i përmbahet rregullave të kompanisë.

Kandidatët e interesuar të cilët i plotësojnë kushtet e cekura më lartë mund të konkurrojnë duke dërguar Cv në Kompaninë FAME Sh.P.K. permes e-mail adresës elektronike në: [email protected] Cv mund të dërgohet edhe fizikisht tek zyrat e Kompanisë FAME Sh.P.K. me adresë Magjistralja Prishtinë-Shkup, km 10 p.n. Lipjan.

Në fushën e subjektit, ju lutem specifikoni pozitën për të cilën aplikoni. Kandidatët të cilët i plotësojnë

kushtet e lartëcekura do të ftohen në fazat e mëtejme të rekrutimit.

Konkursi është i hapur nga data 24 Korrik 2020  më 7 Gusht 2020.