Në bazë të Nenit 35 të Ligjit mbi Radio Televizionin e Kosovës Nr. 04/L-046, RTK rishpallë: 

KONKURS

Për plotësimin e pozitës:

• Drejtor i RTK Radios 

Drejtori i RTK Radios:

• Drejtori i RTK Radios duhet të jetë person me përvojë të gjerë të menaxhimit të medieve apo fushave të tjera relevante;
• Drejtori i RTK Radios duhet të jetë shtetas i Kosovës dhe me vendbanim të përhershëm në Kosovë;
• Drejtori i RTK Radios emërohet nga Bordi i Drejtorëve, përmes konkursit publik dhe në bazë të rekomandimit të Drejtorit të Përgjithshëm të RTK-së;

Detyrat dhe përgjegjësitë kryesore: 

• Menaxhon veprimtarinë e RTK Radios në pajtim me Ligjin e RTK-së, Statutin e RTK-së, dhe Kodin Etik të RTK-së,
• Administron dhe menaxhon RTK Radion, duke siguruar funksionim efektiv dhe efikas;
• Përgatitë planin vjetor programor, i cili përmban vëllimin edhe strukturën e programit dhe është në përputhje me mundësitë financiare të RTK-së;
• Përgatitë raportin vjetor mbi përmbushjen e planit programor me arsyetim për përqindjen e dëgjueshmërisë për disa emisione, posaçërisht për ato të reja;
• planifikon dhe organizon proceset e punës në njësinë programore të radios si dhe mbikëqyrja e tyre;
• mbikëqyrë dhe  është  përgjegjës  për  transmetimin  e  programit  së  bashku  me transmetimin e    reklamave në kornizën ligjore;
• mbikëqyrë përmbushjen e planit programor me një numër minimal të ekzekutuesve;
• mbikëqyrë arsimimin dhe zhvillimin e kuadrove të reja me perspektivë;
• mbajtja e bisedave të rregullta vjetore në njësinë programore;
• drejton dhe përfaqëson njësitë programore të RTK Radios;
• përgatitë normativat dhe standardet programore;
• përgatitë strategjitë zhvillimore për njësinë programore të RTK Radios;
• mbanë cilësinë e programit sipas strukturës së programit të përcaktuar me ligj;
• përcjellë harxhimin e mjeteve deri te niveli për çdo emision, që mund të llogaritet çmimi për një minutë të programit;
• organizon dhe nënshkruan të gjitha dokumentet mbi afarizmin financiar të njësisë programore të RTK Radios, përfshirë edhe pagesën e punës me honorar;
• përgatitë emisionet e reja me përqindjet paraprakisht të përcaktuara të dëgjueshmërisë;
• organizon dhe përcjellë dëgjueshmërinë dhe statistikat programore;
• organizon arkivin programor;
• kryen punë tjera sipas kërkesës së Drejtorit të Përgjithshëm.

I punësuari për punën e vet në cilësinë e Drejtorit të RTK Radios i përgjigjet dhe i raporton Drejtorit të Përgjithshëm të RTK-së dhe Zëvendës Drejtorit të Përgjithshëm.

Kushtet që duhen plotësuar: 

• Kualifikim superior profesional në drejtimin përkatës;
• Të paktën 5 vjet përvojë pune në menaxhimin e mediave apo fushave të tjera relevante (Përparësi kanë kandidatët me përvojë më të gjatë);
• Të jetë person me integritet të lartë personal dhe moral;
• Të ketë njohuri të shkëlqyeshme të spektrit medial në Kosovë, regjion dhe më gjerë;
• Të ketë aftësi të dëshmuara në organizim, udhëheqje dhe planifikim;
• Aftësi udhëheqëse dhe komunikuese;
• Standard të lartë të gjuhës shqipe në të folur dhe në të shkruar;
• Njohje të gjuhës serbe dhe të gjuhës angleze;
• Aftësi për caktimin e prioriteteve dhe për të punuar në mënyrë efikase nën presion;
• Të mos ketë dëshmuar përkatësi partiake;
• Njohuri e programeve MS Word, Excel dhe të tjera;
• Aftësi për të bashkëvepruar me maturi dhe ndjeshmëri me kolegë dhe palë;
• Përkushtim ndaj shërbimit publik të

Në bazë të Ligjit për RTK-në, Drejtor i RTK Radios nuk mund të emërohet personi, i cili:

1. mban post publik te zgjedhur (funksionarët publik);
2. ka qenë deputet, ministër, zyrtarë i lartë i pushtetit qendror apo lokal, apo anëtarë i forumeve drejtuese të subjekteve politike gjatë tri (3) viteve të fundit;
3. ka interes financiar të drejtpërdrejtë ose indirekt në biznesin e medieve dhe reklamave ose
4. është dënuar pas procesit të rregullt, për vepër penale e cila është e dënueshme mbi gjashtë (6) muaj

Kandidatët duhet të dorëzojnë:

• një CV,
• një kopje të letërnjoftimit,
• një letër motivuese,
• tri referenca,
• dëshmitë e kualifikimit,
• dëshmi që nuk është nën hetime, të lëshuar gjatë muajit të fundit para aplikimit, si dhe
• aplikacionin, i cili duhet të shkarkohet nga web faqja e RTK-së, rtklive.com.

Bashkëngjitur me këtë dokumentacion, kandidati duhet të dorëzojë edhe një projekt lidhur me synimet zhvillimore të RTK Radios (deri në 3 faqe).

Dokumentacioni i kompletuar duhet të dorëzohet i skenuar, në mënyrë elektronike, përmes internet adresës [email protected], deri më datë 30.09.2020 në orën 16:00.

Vetëm aplikacionet dhe dokumentet e dorëzuara përmes postës elektronike do të pranohen.

Aplikacionet e dërguara me vonesë nuk do të pranohen. Aplikacionet e pakompletuara nuk do të merren parasysh.

⇒ Shpallja e plote.