Në bazë të Nenit 35 të Ligjit mbi Radio Televizionin e Kosovës Nr. 04/L-046, rishpallë:

KONKURS

Për plotësimin e pozitës:

• Drejtor i RTK 2 – TV

Drejtori i RTK 2 – TV:

• Drejtori i Kanalit RTK 2 – TV duhet të jetë person me përvojë të gjerë të menaxhimit të medieve apo fushave të tjera relevante;
• Drejtori i Kanalit RTK 2 – TV duhet të jetë shtetas i Kosovës dhe me vendbanim të përhershëm në Kosovë;
• Drejtori i Kanalit RTK 2 – TV përzgjidhet dhe emërohet nga Bordi i Drejtorëve, përmes konkursit publik duke marrë në konsiderim rekomandimin e Grupit Punues për Përzgjedhjen e Drejtorit të Kanalit Televiziv në gjuhën serbe.

Detyrat dhe përgjegjësitë kryesore:

• Menaxhon veprimtarinë e Kanalit RTK 2 – TV në pajtim me Ligjin e RTK-së, Statutin e RTK-së, dhe Kodin Etik të RTK-së;
• Administron dhe menaxhon Kanalin RTK 2- TV, duke siguruar funksionim efektiv dhe efikas;
• Përgatit planin vjetor programor, i cili përmban vëllimin edhe strukturën e programit dhe është në përputhje me mundësitë financiare të RTK-së;
• Përgatitë raportin vjetor mbi përmbushjen e planit programor për nivelin e shikueshmërisë së programit televiziv, posaçërisht për emisionet e reja;
• Planifikon, organizon dhe mbikëqyr procesin e punës në njësinë programore të Kanalit RTK 2- TV;
• Është përgjegjës për transmetimin e programit në tërësi si dhe për transmetimin e reklamave sipas kornizës ligjore;
• Mbikëqyrë përmbushjen e planit programor me numër minimal të ekzekutuesve;
• Mbikqyrë arsimimin dhe zhvillimin e kuadrove të reja me perspektivë;
• Zhvillon bisedat e rregullta vjetore në njësitë programore;
• Udhëheqë dhe përfaqëson njësitë programore të Kanalit RTK 2- TV;
• Përgatitë normativat dhe standardet programore;
• Përgatitë strategjitë zhvillimore për njësitë programore të Kanalit RTK 2- TV;
• Siguron cilësinë e programit sipas strukturës së programit të përcaktuar me ligj;
• Përcjellë menaxhimin e mjeteve financiare për çdo emision, duke përllogaritur çmimin për një minutë të programit;
• Organizon përpilimin dhe nënshkruan të gjitha dokumentet mbi afarizmin financiar të njësisë programore të Kanalit RTK 2 – TV, përfshirë edhe pagesën e punës me honorar;
• Përgatitë emisionet e reja me shkallën paraprakisht të përcaktuar të shikueshmërisë;
• Vlerëson shikueshmërinë dhe statistikat programore;
• Mbikëqyrë arkivimin e materialit programor;
• Kryen punë të tjera sipas kërkesës së Drejtorit të Përgjithshëm.

I punësuari për punën e vet në cilësinë e Drejtorit të Kanalit RTK 2 – TV i përgjigjet dhe i raporton Drejtorit të Përgjithshëm të RTK-së.

Kushtet që duhen plotësuar:

• Kualifikim superior profesional në drejtimin përkatës;
• Të paktën 5 vjet përvojë pune në menaxhimin e mediave apo fushave të tjera relevante (Përparësi kanë kandidatët me përvojë më të gjatë);
• Të jetë person me integritet të lartë personal dhe moral;
• Të ketë njohuri të shkëlqyeshme të spektrit medial në Kosovë, regjion dhe më gjerë;
• Të ketë aftësi të dëshmuara në organizim, udhëheqje dhe planifikim;
• Aftësi udhëheqëse dhe komunikuese;
• Standard të lartë të gjuhës serbe në të folur dhe në të shkruar;
• Njohje të gjuhës shqipe dhe të gjuhës angleze;
• Aftësi për caktimin e prioriteteve dhe për të punuar në mënyrë efikase nën presion;
• Të mos ketë dëshmuar përkatësi partiake;
• Njohuri e programeve MS Word, Excel dhe të tjera;
• Aftësi për të bashkëvepruar me maturi dhe ndjeshmëri me kolegë dhe palë;
• Përkushtim ndaj shërbimit publik të

Në bazë të Ligjit për RTK-në, Drejtor i RTK 2 – TV nuk mund të emërohet personi, i cili:

1. mban post publik te zgjedhur (funksionarët publik);
2. ka qenë deputet, ministër, zyrtarë i lartë i pushtetit qendror apo lokal, apo anëtarë i forumeve drejtuese të subjekteve politike gjatë tri (3) viteve të fundit;
3. ka interes financiar të drejtpërdrejtë ose indirekt në biznesin e medieve dhe reklamave ose
4. është dënuar pas procesit të rregullt, për vepër penale e cila është e dënueshme mbi gjashtë (6) muaj

Kandidatët duhet të dorëzojnë:

• një CV,
• një certifikatë të lindjes,
• një kopje të letërnjoftimit,
• një letër motivuese,
• tri referenca,
• dëshmitë e kualifikimit,
• dëshmi që nuk është nën hetime, të lëshuar gjatë muajit të fundit para aplikimit, si dhe
• aplikacionin, i cili duhet të shkarkohet nga web faqja e RTK-së, rtklive.com.

Bashkëngjitur me këtë dokumentacion, kandidati duhet të dorëzojë edhe një projekt lidhur me synimet zhvillimore të Kanalit RTK 2 – TV (deri në 3 faqe).

Dokumentacioni i kompletuar duhet të dorëzohet i skenuar, në mënyrë elektronike, përmes internet adresës [email protected], deri më datë 30.09.2020 në orën 16:00.

Vetëm aplikacionet dhe dokumentet e dorëzuara përmes postës elektronike do të pranohen.

Aplikacionet e dërguara me vonesë nuk do të pranohen. Aplikacionet e pakompletuara nuk do të merren parasysh.

⇒ Shpallja e plotë.