Shpallje për Punësim: Gazetarë 

Chester Group është një kompani e specializuar në prodhimin e përmbajtjes televizive, marrëdhënieve me publikun dhe organizimin e eventeve të mëdha. Disa nga projektet tona më të suksesshme përfshijnë Global Albanian Gastronomy Festival, 7 Dite me Panxhën, Prishtina Gastronomy Festival, dhe Kosova Business Forum – disa prej ngjarjeve më të rëndësishme që kanë ndodhur në Kosovë dhe më gjerë.

Aktualisht, jemi në kërkim të 5 gazetarëve të pasionuar dhe të motivuar për t’u bashkuar me ekipin tonë dinamik. Pozitat janë përkatësisht: 3 gazetarë për tematikën e ekonomisë dhe 2 gazetarë për tematikën e kulturës. Të përzgjedhurit do të kontribuojnë në forcimin dhe zgjerimin e prezencës sonë në platformat digjitale dhe do të kenë mundësinë të zhvillohen në një ambient kreativ dhe të sfiduar.

Nëse jeni të interesuar të bëheni pjesë e ekipit tonë dhe të kontribuoni në krijimin e përmbajtjes cilësore, ju ftojmë të aplikoni!

Pozita: Gazetarë për Ekonomi (3 Pozita)
Pozita: Gazetarë për Kulturë (2 Pozita)

Kompania jonë është në kërkim të gazetareve të pasionuar dhe profesionalistë për t’u bashkuar me ekipin tonë. Kërkojmë individë me interes të thellë për ekonominë dhe kulturën, të cilët kanë aftësi të shkëlqyera të shkrimit dhe analizës.

Kriteret e Posaçme:

Për Gazetarët e Ekonomisë (3 Pozita)

Detyrat dhe Përgjegjësitë:

• Kërkimi dhe raportimi mbi zhvillimet më të fundit në ekonominë vendase dhe globale.  
• Analiza dhe raportimi mbi trendet financiare, bizneset dhe politikat ekonomike.  
• Intervistimi i ekspertëve dhe përfaqësuesve të institucioneve ekonomike.  
• Shkrimi i artikujve, analizave dhe përmbajtjeve multimediale për platformat e kompanisë.  
• Monitorimi i tregjeve financiare dhe ndikimi i tyre në ekonominë lokale.  
• Bashkëpunimi me ekipin e PR dhe marketingut për të siguruar një përmbajtje të unifikuar.

Kualifikimet dhe Përvoja:

• Diplomë universitare Bachelor në Ekonomi, Gazetari, Biznes ose fusha të ngjashme.
• Aftësi të shkëlqyera analitike dhe përpunimi të informacionit ekonomik.
• Minimum 2 vite përvojë në gazetari ekonomike ose raportim financiar.
• Aftësi për të punuar nën afate të shkurtra dhe për të krijuar përmbajtje të saktë dhe cilësore.
• Eksperiencë me përdorimin e platformave digjitale dhe mjeteve analitike.
• Njohuri të shkëlqyera të gjuhës shqipe dhe angleze.  

Për Gazetarët e Kulturës (2 Pozita):

Detyrat dhe Përgjegjësitë:

• Raportimi mbi eventet kulturore, ekspozitat, festivalet dhe ngjarjet artistike.  
• Shkrimi i artikujve, analizave dhe reportazheve për zhvillimet në kulturë dhe art. 
• Intervistimi i artistëve, regjisorëve, shkrimtarëve dhe personaliteteve të kulturës.
• Hulumtimi mbi trendet kulturore dhe ndikimi i tyre në shoqëri.
• Prodhimi i përmbajtjeve multimediale për platformat tona digjitale dhe televizive.
• Bashkëpunimi me ekipin e PR dhe marketingut për promovimin e projekteve kulturore.  

Kualifikimet dhe Pervoja:

• Diplomë universitare Bachelor në Gazetari, Komunikim Masiv ose fusha të lidhura me kulturën dhe artin.
• Aftësi të shkëlqyera për të analizuar, shkruar si dhe interpretuar ngjarjet kulturore.
• Minimum 2 vite përvojë në gazetari kulturore
• Kërkohet pasion dhe angazhim për të raportuar ngjarjet kulturore në nivel kombëtar dhe ndërkombëtar.
• Aftësi për të krijuar përmbajtje të larmishme që mbulon çdo aspekt të kulturës.

Ofrojmë:

• Mundësi të shkëlqyera për zhvillim profesional.
• Ambient pune dinamik dhe kreativ.
• Mundësi për rritje dhe avancim brenda kompanisë.

Kandidaturat: Të interesuarit mund të dërgojnë CV-në e tyre dhe një letër motivimi në adresën tonë të emailit: [email protected] deri më 02/05/2025.

Kompania jonë ofron mundësi të barabarta për të gjithë kandidatët dhe vlerëson diversitetin në vendin e punës.