KALLXO.com shpall konkurs për pozitën:

Zyrtar/e Financiar/e

Kallxo.com është në kërkim të një Zyrtar/e Financiar/e.

Detyrat dhe përgjegjësitë 

• Përgatitja dhe regjistrimi i librave me të dhënat e nevojshme për OJQ;
• Regjistrimi i  transaksioneve në softuerin për financa;
• Barazimi i transaksioneve ditore, mujore dhe vjetore;
• Përgatitja e kërkesave financiare dhe pagesave të ndryshme, sipas kërkesës;
• Përgatitja e buxheteve për projekt-propozime te donatorët;
• Dhënia e shpjegimeve të ndryshimeve në raportet financiare të projekteve;
• Përgatitja e raporteve në mënyrë periodike;
• Përgatitja e pasqyrave financiare sipas politikave/procedurave Kontabël dhe standardeve të kontabilitetit të Kosovës;
• Përgatitja/deklarimi i raporteve, mujore dhe  vjetore siç kërkohet nga Administrata Tatimore e Kosovës dhe Këshilli i Kosovës për Raportim Financiar;
• Të punojë ngusht me stafin menaxhues lidhur me proceset e auditimit të jashtëm dhe të brendshëm, dhe aktivitete të ndryshme financiare.

Kriteret për aplikim:

• Kualifikim përkatës/titull të avancuar në financa ose fushë të ngjashme ekuivalente;
• Të paktën tre (3) vite përvojë të mëhershme në kontabilitet, ndërsa përvoja paraprake në OJQ do të përbëjë avantazh;
• Njohje të legjislacionit dhe rregullave financiare të OJQ-ve;
• Aftësi të mira ndër-personale dhe aftësi për punë ekipore;
• Gatishmëri për të punuar me orar të plotë dhe fleksibil;
• Aftësi të komunikimit verbal dhe me shkrim në gjuhën amtare dhe angleze;
• Aftësi të raportimit të cilësisë së lartë.

Për të aplikuar duhet të dërgoni një Curriculum Vitae (CV) dhe një letër motivimi në gjuhën amtare dhe/ose angleze, përmes postës elektronike në adresën [email protected], me subjektin [Aplikim për pozitën Zyrtar/e Financiar/e] më së largu deri më 9 gusht 2024.

KALLXO.com inkurajon aplikuesit nga të gjitha gjinitë, si dhe ofron mundësi të barabartë punësimi për të gjithë personat e interesuar pa kurrfarë paragjykimi mbi baza gjinore, fetare, etnike ose politike, apo ndonjë bazë tjetër.

Informata shtesë për KALLXO.com mund të gjeni në www.kallxo.com