RN00010077
Lloji i rekrutimit: Pranim
Data e njoftimit: 04/10/2022
Afati për aplikim: 07/11/2022 – 21/11/2022

Duke pasur për bazë nenin 66, 67 dhe 68 të Ligjit nr. 06/L-114 pë Zyrtarët Publikë, në pajtim me Ligjin e  Punës Nr.03/L-212, neni 8 i këtij Ligji, si dhe në mbështetje të Udhëzimit Administrativ Nr. 07/2017  Për Rregullimin e Procedurave të Konkursit në Sektorin Publik, Ministria e Mbrojtjes shpall këtë:   

KONKURS 

Titulli i vendit të punës: Psikolog Klinik 

• Grada e vendit të punës; A3
• Nr. referencës së vendit të punës; FSK 0407
• Vendi; Prishtinë 

Detyrat dhe përgjegjësitë 

• Të përdor metoda të ndryshme dhe bashkëkohore, me qëllim të përafrimit dhe studimit sa më të mirë  të psikologjis së njeriut;
• Hulumton format patologjike të sjelljes duke përdorur metoda hulumtuese ose vëzhguese si: anketa,  analiza dhe hulumtimi i rasteve, testet e ndryshme specifike psikologjike, për të përjashtuar apo  verifikuar bazën organike të sëmundjeve të ndryshme neurologjike, 
• Angazhohet në përparimin e metodave diagnostike,terapeutike dhe preventive;
• Kryen vizitat e rregullta për pacientët dhe sipas nevojës;
• Bënë kërkesa për vizita plotësuese-konsultative;
• Jep mendime profesionale për punën që e kryen;
• Ruan konfidencialitet të plotë për çështjet që kanë të bëjnë me trajtimin e pacientit apo punën e  institucionit, përveç në rastet kur ajo /ai autorizohet me shkrim, në përputhje me politikën  Institucionale. 

Proceduarat e konkurrimit; 

• Shpallja e konkurrimit është e hapur për të gjithë të interesuarit për aplikim. 

Shkollimi i kërkuar; 

• Diplomë universitare – Fakulteti i Psikologjisë;
• Master- Psikologji Klinike;
• Specializim në fushën e Psikologjisë Klinike;
• Licencë e vlefshme profesionale. 

Aftësitë, përvoja dhe atributet tjera që kërkohen; 

• Përvojë pune në fushën e Psikologjisë Klinike;
• Njohja e punës me kompjuter;
• Njohuri dhe përvojë substanciale në fushën e Psikologjisë Klinike (e dëshiruar);
• Trajnime profesionale përkatëse (e dëshiruar); 
• Njohuri pune të përgjithshme administrative (e dëshiruar);
• Njohja e gjuhes shqipe apo serbe;
• Gjuha angleze ( e deshirueshme);
• Punë me presion dhe nën ndikimin e stresit; 
• Aftësi komunikimi;
• Vullneti për përmirësim të vazhueshëm;
• Aftësia për ndërtim ekiporë dhe punë ekipore;
• Vetë iniciativë;
• Shërbim vetmohues.

Kohëzgjatja e emërimit 

• Emërimi është me afat të pacaktuar. 

Afati për aplikim 

• Afati i aplikimit është nga data 07.11.2022 deri më 21.11.2022.
• Aplikacionet e dërguara nëpërmjet postës, me pullë postare, në ditën e fundit të shpalljes,  konsiderohen të vlefshme.  

Paraqitja e kërkesave: 

• Formularët dorëzohen në Sektorin e Rekrutimit/Departamenti i Politikave të Personelit dhe  Rekrutimit, apo me postë në këtë adresë: Ministria e Mbrojtjes, 10000 Prishtinë, Departamenti i Politikave të Personelit dhe Rekrutimit/Sektori i Rekrutimit, Kati I, Kazerma Adem Jashari,  Prishtinë, në çdo ditë pune nga ora 09:00-15:00 deri në afatin e fundit për konkurrim. 
• Kandidatët duhet t’ia bashkëngjitin aplikacionit kopjet e dokumenteve të nevojshme personale dhe  kopjet e dokumenteve që dëshmojnë për kualifikimet e tij/saj. Dokumentet e pranuara nuk do të  kthehen! 

Kërkesa specifike: 

• Kjo pozitë i nënshtrohet procesit të verifikimit dhe mund të plotësohet vetëm pas përfundimit të  suksesshëm të procesit të verifikimit. 

Ministria e Mbrojtjes ofron mundësi të barabarta të konkurrimit dhe mirëpret aplikacionet nga të  gjithë personat e gjinisë mashkullore dhe femërore nga të gjitha komunitetet. Kërkesat e  pakompletuara dhe të dërguara pas datës së fundit nuk do të pranohen. Për shkak të numrit të madh  të kërkesave, vetëm kandidatët e përzgjedhur në listën e ngushtë do të kontaktohen. Formularët për  aplikim janë në dispozicion në Sektorin e Rekrutimit/Departamenti i Politikave të Personelit dhe  Rekrutimit të MM-së, apo në web-faqen e MM-së, E-mail; https://mod.rks-gov.net. Për informata  plotësuese mund të kontaktoni në: 038 200 13 508. 

KOMUNA

Prishtinë
Aplikacioni