KORPORATA RUGOVE, është kompani vendore me përvojë shumëvjeçare në industrinë e ushqimit, me brende të mirënjohura kosovare si Ujë Rugove dhe produktet e bulmetit Rugove. Të gjithë të interesuarit që duan të jenë pjesë e Korporatës sonë, ftohen që të aplikojnë për pozitat e hapura të punës në fabrikën e ujit në Drelaj, Pejë. Pozitat e hapura janë:

• ELEKTRICIST PËR FABRIKË/MAKINERI
• OPERATOR PRODHIMI (x5)

DISA NGA PËRGJEGJËSITË DHE DETYRAT KRYESORE:

ELEKTRICIST PËR FABRIKË/MAKINERI

• Instalon dhe garanton mirëmbajtjen e lidhjeve elektrike, aparateve, pajisjeve të tjera.
• Identifikon mosfunksionimin e sistemeve elektrike, duke përdorur pajisje testimi, për të gjetur shkakun e defektit dhe korrigjimin e tij.
• Riparon defektet e pajisjeve elektrike dhe elektronike.
• Zbaton kushtet e sigurimit teknik në punë.
• Kryen detyra tjera të lidhura me pozitën në bazë të kërkesës së personit përgjegjës.

OPERATOR PRODHIMI

• Përgjegjës për sigurinë e prodhimit dhe kualitetit të ujit.
• Ngarkon materialin e nevojshëm për prodhim.
• Pastron makineritë dhe hapësirën punuese sipas nevojës.
• Sigurohet që makineritë punojnë siç duhet dhe në mënyrë të sigurt.

KUALIFIKIMET DHE KËRKESAT:

• E preferueshme të ketë përvojë pune të mëparshme në pozitën e kërkuar në këtë konkurs, por nuk është e domosdoshme.
• Të jetë i gatshëm për punë ekipore.
• Të ketë qasje me përgjegjësi dhe përkushtim të lartë në punë.

ÇKA OFRON KORPORATA RUGOVE:

• Ndërmarrje profesionale dhe dinamike.
• Ambient profesional dhe motivues.
• Kompensim sipas aftësive dhe rezultateve të arritura.
• Transport nga qyteti i Pejës për në fabrikë.
• Mundësi të përparimit në karrierë.

Si të aplikohet:

Të interesuarat/it mund të dërgojnë CV-të e tyre në butonin “Apliko Këtu” ose e-mail adresën [email protected] duke specifikuar pozitën për të cilën po aplikojnë.

Afati i fundit për aplikim është data 20 Maj 2025, kurse vetëm kandidatet/ët që hyjnë në rrethin e ngushtë do të njoftohen përmes telefonit dhe do të ftohen në intervistë.

Korporata RUGOVE ofron mundësi të barabarta punësimi pa e diferencuar apo diskriminuar askënd dhe inkurajon të gjithë të dërgojnë CV-të e tyre.

_{⏱️ Dëshiron të aplikosh më shpejtë?}