ℹ Rreth kompanisë SAFIDO

SAFIDO është një kompani që ofron shërbime profesionale në fushën e kontabilitetit, financave dhe konsulencës për biznese të ndryshme. Misioni ynë është të ofrojmë cilësi, saktësi dhe mbështetje të vazhdueshme për klientët tanë.

KONKURS PUNE – KONTABILIST/E
Kompania SAFIDO shpall konkurs për një pozitë të lirë pune në sektorin e kontabilitetit.

Ne kërkojmë një profesionist të përkushtuar dhe me përvojë, i cili ka njohuri të thella në fushën e kontabilitetit, është i/e organizuar, i/e saktë dhe i/e gatshëm/gatshme të punojë në një ambient dinamik dhe me përgjegjësi të lartë.

Pozita: Kontabilist/e

Detyrat dhe përgjegjësitë:

• Regjistrimi i faturave të blerjeve vendore dhe të importeve në përputhje me standardet kontabël dhe legjislacionin në fuqi.
• Regjistrimi i faturave të shijtes.
• Mirëmbajtja e dokumentacionit financiar sipas kërkesave ligjore dhe standardeve profesionale.
• Regjistrimi dhe pajtimi i llogarive bankare dhe arkës.
• Përgatitja e librave tregtarë dhe konfirmimi i tyre me dokumentacionin përkatës.
• Krijimi dhe dorëzimi i raporteve të ndryshme sipas kërkesës së menaxhmentit.
• Menaxhimi i llogarive të arkëtueshme dhe të pagueshme.
• Komunikimi me klientë dhe palë të treta për çështje financiare dhe kontabël – duke qenë pikë kontakti kryesore për ta.
• Përgatitja dhe dorëzimi i deklaratave tatimore mujore, tremujore dhe vjetore.
• Përgatitja e pasqyrave financiare të klientëve.
• Përfaqësimi i klientëve në Administratën Tatimore të Kosovës (ATK) dhe institucione të tjera relevante.
• Zbatimi i përpikët i afateve ligjore dhe i standardeve të brendshme të kompanisë.
• Kontribut aktiv në zhvillimin dhe përmirësimin e proceseve të brendshme kontabël dhe profesionale të SAFIDO-s.

Kualifikimet dhe aftësitë e kërkuara:

• Diplomë universitare në Fakultetin Ekonomik, drejtimi Kontabilitet dhe/apo Financë.
• Përvojë e mëparshme pune në kontabilitet – së paku 2 vite.
• Njohuri të avancuara në përdorimin e programeve MS Office (sidomos Excel dhe Word).
• Njohuri shumë të mira të programit të kontabilitetit FINABIT.
• Aftësi të shkëlqyera komunikuese dhe bashkëpunuese, si me gojë ashtu edhe me shkrim (e-mail).
• Aftësi të larta analitike dhe për zgjidhje të problemeve.
• Njohuri të gjuhës angleze (e preferuar).
• Certifikim si teknik kontabiliteti ose kontabilist i certifikuar (përbën përparësi).
• Përkushtim maksimal dhe ndjenjë përgjegjësie ndaj punës dhe klientëve të kompanisë.
• Gatishmëri për të punuar në mënyrë të pavarur dhe si pjesë e ekipit.

Aplikimi

Të interesuarit janë të lutur të dërgojnë:

• CV-në
• Letër motivimi
• Kopje të diplomës dhe çertifikatave relevante

përmes butonit “Apliko Këtu” apo në adresën elektronike: [email protected]
ose të na kontaktojnë në numrin 049/209-500 gjatë orarit të punës: 09:00 – 17:00

Afati i fundit për aplikim: 10 MAJ 2025

_{⏱️ Dëshiron të aplikosh më shpejtë?}