KONKURS PËR VEND TË LIRË PUNE

Banka Ekonomike, Zyra Qendrore shpall konkurs për plotësimin e vendit të punës:

Zyrtar për validim të modeleve (1 vend pune)

Departamenti për Menaxhimin e Riskut

Detyrat dhe përgjegjësitë:

• Përgjegjës kryesor për rishikim të pavarur për të gjitha modelet e aplikuara në Bankë ;
• Përgjegjës për dokumentacionin gjithëpërfshirës të kornizës dhe procesit të validimit të modelit – hartim, zbatim, funksionim dhe performancë të sistemit për çdo klasë të rrezikut duke përfshirë testim periodik dhe validim;
• Përgjegjës për vlerësimin e përshtatshmërisë dhe metodologjive që përfshinë proces sistematik të vlerësimit të qëndrueshmërisë, konsistencës dhe saktësisë së modeleve;
• Kryen analiza me qëllim të avancimit të modeleve për humbjet e parashikuara kreditore;
• Kalkulimet për mjetet e peshuara me rrezik dhe stress testet e ndryshme;
• Ofron mbështetje për modelet për menaxhimin e rrezikut sipas shkallëve dhe vlerësimin e rrezikut për shkallë (Rating/Scoring);
• Kryen kalkulimin e modeleve për kapital ekonomik, apo të mjaftueshmerisë së kapitalit sipas qasjeve standarde apo te avancuara të Baselit;
• Në bashkëpunim me të gjitha linjat e rrezikut dhe zhvillimit të biznesit bën avancimin e të gjitha metodologjive të përdorura në Bankë;
• Menaxhon e të gjitha projektet për metodologji dhe modelime statistikore;
• Mbështet Departamentet dhe Degët e Bankës, në ofrim e udhëzimeve në lidhje me risqet e mundshme;
• Kryen detyra tjera relevante të kërkuara nga Mbikëqyrësi Direkt.

Kualifikimet ;

• Fakulteti i Teknologjisë Informative, Matematikë të Aplikuar, Ekonometri apo Inxhinier;
• Rekomandohet njohuri të mira nga Ekonometria, Matematike dhe Statistikë;
• Preferohet njohje e një nga programet statistikore – SPSS, SAS, Python, excel etj;
• I fokusuar ne zhvillimet nga fushat e menaxhimit me të dhëna, analitike te avancuar apo parashikuese, Intelegjence Artificiale, Teknologji Financiare etj.
• Njohje e mirë e Gjuhës Angleze ;
• Aftësi të mira ndërpersonale dhe komunikuese.

Aplikimi mund të bëhet vetëm përmes Sistemit On-Line. Format e aplikimit mund të plotësohen direkt në Web faqen e Bankës Ekonomike www.bekonomike.com

Afati i aplikimit është deri më datë  11 Prill  2023 ora 16:00.

Vetëm kandidatët të cilët hyjnë në rrethin e ngushtë do të ftohen për procedura të mëtutjeshme.