KORPORATA RUGOVE, është kompani vendore me përvojë shumëvjeçare në industrinë e ushqimit, me brende të mirënjohura kosovare si Ujë Rugove dhe Djathë Rugove. Të gjithë të interesuarit që duan të jenë pjesë e Korporatës sonë, ftohen që të aplikojnë për pozitat e hapura të punës në zyrën qendrore të Ujë Rugove në Shkabaj, Prishtinë, si më poshtë:

KËSHILLTARE PËR KLIENTË, FATURIST,
LIFERUES (x2), NDIHMËS LIFERUES (x2), VOZITËS KAT. C (x2) DHE VOZITËS KAT. CE (x2)

Disa nga përgjegjësitë dhe detyrat kryesore për pozitën Këshilltare për klientë:

• Kujdeset përmes telefonit dhe e-mail për klientët dhe kërkesat e tyre.
• Informon dhe këshillon klientët rreth kualitetit dhe çmimit të produkteve që ne ofrojmë.
• Identifikon nevojën e klientëve për produktet e kërkuara dhe ofron shërbimet e nevojshme.
• Bën pranimin e porosive të kërkuara.
• Sigurohet që porositë janë pranuar nga klientët.

Kualifikimet dhe kërkesat:

• Të ketë të kryer së paku shkollën e mesme. Kualifikimi universitar konsiderohet përparësi.
• Të ketë aftësi të shkëlqyera komunikimi me klientë.
• Preferohet të ketë përvojë pune në departamentin e shitjes.
• Të ketë qasje me përgjegjësi dhe përkushtim të lartë në punë.

Disa nga përgjegjësitë dhe detyrat kryesore për pozitën Faturist:

• Bën fatura për klientët.
• Pranon dhe regjistron porositë për shitje në sistemin kontabël.
• Bën kontrollimin e deponimeve nga shitjet ditore me KESH.
• Njofton zyrtarin e llogarive të arkëtueshme për problemet e mundshme të porosive të konsumatorëve dhe faturimit.
• Regjistron faturat e kthimit të mallit dhe zbritjet.

Kualifikimet dhe kërkesat:

• Preferohet të ketë parapërgatitje universitare ose që është në shkollim e sipër, në fushën e financave ose kontabilitetit.
• Preferohet të ketë përvojë pune në departamentin e shitjes.
• Përvoja e mëparshme në këtë pozitë konsiderohet përparësi.
• Të ketë qasje me përgjegjësi dhe përkushtim të lartë në punë.

Disa nga përgjegjësitë dhe detyrat kryesore për pozitat Liferues, Ndihmës Liferues dhe Vozitës me kategori C dhe Vozitës me CE:

• Transporton mallrat e korporatës në territorin e Republikës së Kosovës.
• Është përgjegjës për mallrat gjatë transportimit të tyre.
• Në bazë të porosisë dërgon sasinë e porositur të produkteve në pikën e caktuar.
• Vozit automjetet e korporatës si dhe është përgjegjës për automjetet që i drejton.
• Mirëmban automjetin si dhe respekton në mënyrë rigoroze Kodin Rrugor.

Kualifikimet dhe kërkesat:

• E preferueshme të ketë përvojë pune të mëparshme në distribuim/shitje në pozitat e kërkuara.
• Patent shofer kategoria B.
• Për Vozitës kat. C – patent shofer kategoria C.
• Për Vozitës kat. CE – patent shofer kategoria CE.
• Të jetë i gatshëm për punë ekipore.
• T’i përshtatet orarit fleksibil të punës.
• Të ketë qasje me përgjegjësi dhe përkushtim të lartë në punë.

Çka ofron Korporata RUGOVE:

• Ndërmarrje profesionale dhe dinamike.
• Ambient profesional dhe motivues.
• Kompensim sipas aftësive dhe rezultateve të arritura.
• Transport nga qyteti i Prishtinës për në Shkabaj.
• Mundësi të përparimit në karrierë.

Si të aplikohet:

Të interesuarat/it mund të dërgojnë CV-të e tyre në e-mail adresën [email protected] duke specifikuar pozitën për të cilën po aplikojnë.

Afati i fundit për aplikim është data 20 qershor 2022, kurse vetëm kandidatet/ët që hyjnë në rrethin e ngushtë do të njoftohen përmes telefonit dhe do të ftohen në intervistë.

Korporata RUGOVE ofron mundësi të barabarta punësimi pa e diferencuar apo diskriminuar askënd dhe inkurajon të gjithë të dërgojnë CV-të e tyre.