BONEVET Peja po kërkon entuziastë dhe profesionistë të edukimit që t’i bashkangjiten ekipit tonë në pozitën Mentor/e në klasat dhe trajnimet në fushat STEAM (Shkencë, Teknologji, Inxhinieri, Art dhe Matematikë) për moshat 5-18 vjeç dhe për moshat 18+ vjeç.

Kjo pozitë e punës hapet për punëtorë me orar të plotë dhe të pjesshëm, me prezencë fizike në Pejë.

Konkursi i punës mund të punësoj më shumë se një mentor/e të përzgjedhur, varësisht nga kualiteti dhe nevoja.

Prapavija profesionale dhe shkathtësitë e kërkuara:

• Të jetë duke studiuar ose të ketë përfunduar nivelin bachelor të studimeve;
• Të ketë përvojë në punë në edukim (praktikë, aktivitete vullnetare, etj.);
• Të ketë aftësi të mira të komunikimit (në të folur dhe në shkrim në gjuhë shqipe);
• Të ketë aftësi të mira organizuese;
• Të ketë njohuri të gjuhës angleze;
• Të ketë pasion për edukim;
• Të jëtë i/e përpiktë dhe të respektojë maksimalisht proceset e punës;

Detyrat dhe përgjegjësitë e punës:

• Të krijojë dhe përgatis kurikulumin/planprogramin e klasës në bashkëpunim me Përgjegjësin/en për Kurikulume në BONEVET;
• Të marrë pjesë në trajnime që organizohen në BONEVET për zhvillimin e aftësive mentoruese;
• Të sigurohet që klasa/trajnimi të jetë tërheqës, argëtues, me kualitet të lartë, duke vendosur nxënësin në qendër të mësimit dhe të aplikohen metodat e mentorimit të përfituara nga trajnimet.
• Të koordinojë të gjitha aktivitetet për klasë/trajnim dhe të sigurohet që gjithçka të jetë e përgatitur me kohë;

Data e fundit për aplikim: 15 shkurt 2023, ora 23:59

*Për të fituar çasje në formën e aplikimit në linkun mëposhtë ju duhet të keni një llogari në Gmail.