Në pajtim me Ligjin e Punës  Nr.03/L-212,  Neni 8 i këtij Ligji, si dhe në mbështetje të Udhëzimit Administrativ Nr. 07/2017 Për Rregullimin e Procedurave të Konkursit  në Sektorin Publik, Ministria  e Mbrojtjes  shpall këtë:

KONKURS 

• Titulli i vendit të  punës: Mekanik në Ekipin A të Skuadrës Bazë të Mekanikëve
• Kategoria funksionale dhe grada e vendit të punës; Grada CS2
• Nr. referencës së vendit të punës; 0104
• Vendi; Prishtinë

Detyrat dhe përgjegjësitë: 

• Rregullon automjetet sipas PSO-ve dhe rregulloreve në fuqi;
• I përmbahet rregullave dhe orarit të punës;
• Asiston Ekipin në përmbushjen e detyrave rutinore;
• Harmonizon aktivitetet/punën e tij me Udhëheqësin e ekipit dhe mekanikët e tjerë;
• Përgatit e pajisjet e punës;
• Ruan inventarin me të cilin punon.

Proceduarat e konkurrimit:

• Shpallja e konkurrimit është e hapur për të gjithë të interesuarit për aplikim.

Shkollimi i kërkuar:

• Diplomë e shkollës së mesme;
• Kursi bazë për mekanikë;

Aftësitë, përvoja dhe atributet tjera që kërkohen:

• Shërbimi paraprak si mekanik.
• Njohja e gjuhws shqipe apo serbe,
• Punë me presion dhe nën ndikimin e stresit.
• Aftësi ndërpersonale dhe komunikuese.
• Të jetë profesional, me përvojë, i besueshëm dhe i aftë për kryerjen e detyrave, si dhe detyrave plotësuese në kohë, në mënyrë profesionale dhe brenda afatit të pranueshëm kohor.
• Duhet të veprojë me maturi me njerëz në punë,
• Duhet të jetë i/e motivuar dhe të ketë etikë të lartë pune.
• Të jetë në gjendje të punojë i vetëm dhe në ekip.
• Aftësi të arrijë të drejtoj ngarkesën e punës, punoj nën presion dhe të përmbush detyrat brenda afateve të caktuara.

Aktet ligjore dhe nënligjore që rregullojnë rekrutimin;

• Procesi i rekrutimit për këtë pozitë është i bazuar në Ligjin e Punës  Nr.03/L-212,  Neni 8 i këtij Ligji, si dhe Udhëzimin Administrativ Nr. 07/2017 Për Rregullimin e Procedurave të Konkursit  në Sektorin Publik.
• Kandidatët të cilët  i plotësojnë kriteret e parapara, do t’i nënshtrohen shqyrtimit fillestar të aplikacioneve të tyre.
• Kandidatët më të suksesshëm do të përfshihen në listën e shkurtër dhe do të ftohen të marrin pjesë në testimin me shkrim dhe me gojë.
• Kandidatët që kalojnë testin me shkrim, do t’i nënshtrohen testit me gojë (intervistimit).

Kohëzgjatja e emërimit

• Emërimi është me afat të pacaktuar.

Data e mbylljes së konkursit

• Konkursi është i hapur 15 ditë kalendarike nga dita e shpalljes.
• Afati i aplikimit është nga data 18.09.2020 deri më 02.10.2020.
• Aplikacionet e dërguara nëpërmjet postës,  me pullë postare,  në ditën e fundit të shpalljes,  konsiderohen të vlefshme.

Paraqitja e kërkesave:

• Formularët dorëzohen në Sektorin e Rekrutimit/Departamenti i Politikave të Personelit dhe Rekrutimit, apo  me postë në këtë adresë: Ministria e Mbrojtjes, 10000 Prishtinë, Departamenti i Politikave të Personelit dhe Rekrutimit/Sektori i Rekrutimit,  Kati I, Kazerma Adem Jashari, Prishtinë, në çdo ditë pune nga ora 09:00-15:00 deri në afatin e fundit për konkurrim.
• Kandidatët duhet t’ia bashkëngjitin aplikacionit kopjet e dokumenteve të nevojshme personale dhe kopjet e dokumenteve që dëshmojnë për kualifikimet e tij/saj. Dokumentet e pranuara nuk do të kthehen!

Kërkesa specifike:

• Kjo pozitë i nënshtrohet procesit të verifikimit dhe mund të plotësohet vetëm pas përfundimit të suksesshëm të procesit të verifikimit.

Ministria e Mbrojtjes ofron mundësi të barabarta të avancimit dhe mirëpret aplikacionet nga të gjithë personat e gjinisë mashkullore dhe femërore nga të gjitha komunitetet. Kërkesat e pakompletuara dhe të dërguara pas datës së fundit nuk do të pranohen. Për shkak të numrit të madh të kërkesave, vetëm kandidatët e përzgjedhur në listën e ngushtë do të kontaktohen. Formularët për aplikim janë në dispozicion në Sektorin e Rekrutimit/Departamenti i Politikave të Personelit dhe Rekrutimit të MM-së,  apo në ëeb-faqen e MM-së, E-mail; https://mod.rks-gov.net. Për informata plotësuese mund të kontaktoni  në:  038 200 13 508.

⇒ Shpallja e plote dhe formularet e aplikimit.